Sunday, February 20, 2011

Mga Balak ni Lolo Bastruk


AYAW PAGHIKOG

Kung ang oras dili ma-apas
hinay hinay lang ug baktas
Kay basun imong lapa-lapa ma ugtas
labinag nipis ang tsinelas

Kung katumbahon na sa kakutas
Ayaw pugsa kay moawas
Ang kainit sa dugo sa imong lawas
May pay imnan nimo ug gatas

Sum-od na paminawon
Mga inagulo sa kadlawon
Hangtud sa lalum nga kagabhion
Nag uwang lang sa gihapon

Sa kangitngit dili maaaninag
Mga dagko ug lalum nga bangag
Mao nga mag andam ug iwag
Aron hayag… kita tanang katag

Hiposa nang pisi kanaog sa building
Iluwa nang tabletas
ang acido para sa inidoro
Ang pistola ibtag bala

maayo pa blade ang gamita
Sa pagtastas sa baga nga kurtina
aron imong Makita unsa
ang nasa gawas sa bintana. Aaay… kahayag

2 comments:

  1. Replies
    1. nindot tuod...tangtangon ra diay ang kurtina aron makakita og kahayag, dayag ang kaanyag sa silingan, ug makit-an pod siya niya. Kon makakit-anay na, mapapas na ang kangiob sa dughan

      Delete